سافر مرة ابو شهاب على اسبانيا زيارة لعند رفيقو
ويا محاسن الصدف كانت وقتا المباريات النهائية لمصارعة الثيران
راح ابوشهاب ورفيقو وحضرو المباراة
نزل بهديك المباراة تور اسود شرس كتير
نزل الماتادور المصنف اول عالميا
وأكل هديك الشلفة من قرونو للتور وكان عالنقالة
ولحقو التاني عالعالم والتالت والرابع...
وهيك لحتى ماضل ماتادور يسترجي ينزلو لها التور
قامت اللجنة المنظمة للبطولة ومنشان تزيد الحماس
اعلنت عن جائزة قدرها مليون دولار لاي متطوع شجاع من الجمهور بينزل وبيدبح التور
طبعا صديقنا ابو شهاب قاعد متل الاطرش بالزفة بس صاحبو صار يترجملو
ووقت سمع بالمليون دولار ماعاد يشوف قدامو
قال: ديبن انا.....نازلو للتور
رد عليه صاحبو: لك شو مجنون انته ماشفت شو صار
بالمصارعين
رد عليه: باطل...... على الكلام العاطل
هلئ بفرجيك شو رح ساوي بالثور ما بيلقى من تحت ايدي لوحتين وخبطة وشكلين ما بحكي إيواااااااااااا
طبعا المصاري عمتو لصاحبنا
المهم نزل واعلنو اسمو بالاذاعة
Abo Shhaaab
اول ماصار جوا الحلبة ركد التور لعندو
وابو شهاب يركد
والتور يركد
وابو شهاب يركد
والتور وراه
وفجأة
اتزحلق التور
ضرب فرام ابوشهاب ورجعلو انرييييه
وطالع الشبرية ونحرو من الوريد للوريد
...........................
بدأت الاحتفالات وابو شهاب توج بطل واستلم شيك المليون دولار
وهنه العالم ملمومين حواليه
اجت لعندو صحفية اسبانية وقالتلو
انا بعرف اهكي شوية اربي مهلش (احكي شوية عربي معليش) اذا سئلتك كم سؤال
قلها: تفضلي نحنا خدامين الحلوييين (وهو عم يفتل شواربو طبعا)
قالتلو: ما هذه الشجاعة يعني انا لو كنت مهلك (محلك) كنت عملت تحتي
رد ابو شهاب وبكل ثقة (وهو عم يفتل شواربو كمان) :
لكن كيف اتزحلق التووووور؟؟؟؟؟؟؟؟؟؟؟!!!!!!!!
عكيد والله وقبضاي!!!!!!
موضوع: حكاية العكيد أبو شهاب في اسبانيا!! 
الأحد أبريل 17, 2011 10:50 pm
(5).jpg)
